რას უნდა დავაკვირდეთ 2-დან 6 წლამდე ასაკის ბავშვებში; საყურადღებო სიმპტომები

გთავაზობთ ბავშვის ფიზიკური და სენსორული განვითარების ეტაპებს ასაკის მიხედვით. ეს დაგეხმარებათ თვალი ადევნოთ თქვენი ბავშვის განვითარებას და ყოველ ეტაპზე შესთავაზოთ მას ის აქტივობები, რაც წინსვლისთვის სჭირდება.

რა შეუძლია ბავშვს  2-დან 3 წლამდე:

მსხვილი მოტორიკა

• კარგად ხოხავს;
• მარტო ჩადის კიბეზე ფეხის მონაცვლეობის გარეშე;
• კიბეზე ადის ფეხის მონაცვლეობით და დახმარებით;
• სწევს ფეხს ბურთის დასარტყმელად;
• ადვილად დარბის;
• ატარებს სამთვლიან ველოსიპედს;
• დახრისას არ ვარდება

ნატიფი (წვრილი) მოტორიკა

• ხატავს ვერტიკალურ, ჰორიზონტალურ და წრიულ ხაზებს;
• ფურცლავს წიგნს;
• აშენებს კოშკებს 6-ზე მეტი კუბიკისგან;
• იჭერს ფანქარს თითქოს უნდა დახატოს/დაწეროს;
• ხსნის და კეტავს შესაკრავებს;
• ატრიალებს სახელურს

თვითმოვლა

• დახმარებით იხდის შარვალს;
• ეხმარება უფროსს დალაგებაში, საგნების გადაადგილებაში;
• იდებს საკვებს პირში დამოუკიდებლად, მცირედი მიშხეფებით

2-დან 3 წლამდე აკაში საყურადღებოა თუ:

• ბავშვი ხშირად ეცემა და უჭირს კიბეზე ასვლა;
• მეტყველებს ძალიან გაუგებრად;
• არ შეუძლია 4 ან მეტი კუბისგან კოშკის აგება;
• უჭირს პატარა საგნებით მანიპულირება; 3 წლის ასაკში უჭირს წრის შემოხაზვა;
• არ შეუძლია კომუნიკაციის დამყარება თუნდაც მოკლე წინადადებით;
• არ ერთვება „ვითომ – ვითომ“ თამაშში;
• არ შეუძლია დამოუკიდებლად კოვზის ან ჭიქის გამოყენება;
• უჭირს მარტივი მითითებების გაგება;
• მცირე ინტერესი აქვს სხვა ბავშვების მიმართ;
• ძალიან უჭირს მშობლებთან განშორება

რა შეუძლია ბავშვს 3-4 წლის ასაკში

მსხვილი მოტორიკა

• დგას და ხტის ცალ ფეხზე 5 წამის განმავლობაში;
• ადის და ჩადის კიბეზე დახმარების გარეშე;
• ფეხს ურტყამს ბურთს;
• ისვრის ბურთს მაღლა;
• ხშირ შემთხვევაში იჭერს ბურთს რომელიც მას გადაუგდეს;
• შეუძლია უკუსვლით სიარული;

ნატიფი (წვრილი) მოტორიკა

• ხატავს ფორმებს; ხატავს ადამიანს სხეულის 2-4 ნაწილით;
• იყენებს მაკრატელს;
• ხატავს წრეებს და ოთხკუთხედებს;
• იხატავს ასოებს

თვითმოვლა

• ჭამს კოვზით დამოუკიდებლად მიშხეფების გარეშე;
• იბანს და იმშრალებს ხელებსა და სახეს;
• შეუძლია მარტივ საშინაო საქმეში მონაწილეობა (მაგალითად მაგიდის გაშლაში დახმარება);
• შეუძლია მარტივი ტანსაცმლის ჩაცმა, დახმარება სჭირდება ელვა შესაკრავის ან ღილების შეკვრაში;
• შეუძლია დაივარცხნოს თმა

3-4 წლის ასაკის ბავშვისთვის საყურადღებოა თუ:

• არ შეუძლია ადგილზე ხტომა;
• არ შეუძლია სამთვლიანი ველოსიპედის ტარება;
• არ შეუძლია ფანქრის დაჭერა ცერა და საჩვენებელი თითებით;
• უჭირს ყლაპვა;
• არ შეუძლია წრის დახატვა; არ შეუძლია 4 კუბის დაწყობა ერთმანეთზე;
• ტირის, როდესაც მშობლები მიდიან;
• არ გამოხატავს ინტერესს სხვებთან თამაშებისადმი;
• აიგნორებს სხვა ბავშვებს;
• არ პასუხობს იმ ადამიანებს, რომლებიც ოჯახის წევრები არ არიან; წინააღმდეგობას უწევს მზრუნველს დაძინებისას, ჩაცმისას, საპირფარეშოში გასვლისას;
• როდესაც გაბრაზებულია კარგავს კონტროლს და გარბის;
• არ იყენებს 3-ზე მეტ სიტყვიან წინადადებებს;
• არ ხმარობს ადეკვატურად სიტყვებს „მე“ და „შენ“

რა შეუძლია ბავშვს 4-5 წლის ასაკში

მსხვილი მოტორიკა

• დგას ცალ ფეხზე 10 ან მეტი წამის განმავლობაში;
• ხტება;
• ცოცავს, სრიალდება სასრიალოდან; შეუძლია გადახტომა

ნატიფი (წვრილი) მოტორიკა

• იხატავს სამკუთხედს და სხვა გეომეტრიულ ფიგურებს;
• ხატავს ადამიანს, უხატავს სხეულს;
• იხატავს ზოგ ასოს;
• შეუძლია გახსნას ელვა შესაკრავიც და ღილებიც

თვითმოვლა

• შეუძლია დანისა და ჩანგლის დამოუკიდებლად გამოყენება;
• კვებისას ტუჩები დახურული აქვს;
• შეხსენების შემდეგ დამოუკიდებლად მიდის საპირფარეშოში;
• იხდის და იცვამს დახმარების გარეშე

4-5 წლის ასაკში საყურადღებოა თუ:

• გამოავლენს აგრესიულ, სახიფათო, არასასურველ ქცევას;
• არ შეუძლია მშობლებთან განშორება;
• არ შეუძლია 5 წუთზე მეტხანს ერთი აქტივობით დაკავება;
• გამოხატავს სხვა ბავშვებთან თამაშისადმი მცირე ინტერესს;
• არ ეკონტაქტება სხვა ადამიანებს;
• უფრო ხშირად მოწყენილი და სევდიანია;
• ერიდება უცხო უფროსებთან ან ბავშვებთან თამაშს;
• არ გამოხატავს ბევრ ემოციას;
• უჭირს დაძინება, ჭამა და საპირფარეშოს გამოყენება;
• უფრო ხშირად პასიურია;
• არ ესმის მიმართების აღმნიშვნელი სიტყვების მნიშვნელობა (მაგ. დადე მაგიდა-ზე, აიღე ბურთი, რომელიც მაგიდის ქ ვ ე შ არის):
• არ ესმის ორსაფეხურიანი ინსტრუქცია (მაგ. აიღე სათამაშო და დადე მაგიდაზე);
• არ შეუძლია თავისი სახელისა და გვარის თქმა;
• ვერ იყენებს წარსულ დროსა და მრავლობით რიცხვს;
• არ შეუძლია 6-8 კუბისგან კოშკის აშენება;
• ფანქარს იჭერს მუშტით;
• უჭირს ტანსაცმლის გახდა;
• არ შეუძლია კბილების გახეხვა ან ხელების დაბანა და გაშრობა

რა შეუძლია ბავშვს 5-დან 6 წლამდე

მსხვილი მოტორიკა

• ფეხს ურტყამს მისი მიმართულებით მოძრავ დიდი ზომის ბურთს;
• ბრუნვის, ტრიალის დროს ინარჩუნებს წონასწორობას;
• დარბის ისე, რომ თავს არიდებს დაბრკოლებებს;
• დადის წყლიანი ჭიქით ისე, რომ არ ეღვრება;
• კიბეზე ადის/ჩადის ისე, რომ მოძრაობისას უჭირავს ნივთი ერთ ან ორივე ხელში;
• სამთვლიანი ველოსიპედის ტარებისას უხვევს, არიდებს თავს დაბრკოლებნებს, აჩერებს და ძრავს ველოსიპედს;
• შეუძლია ხელების მოჭიდებით ძელზე დაკიდება

ნატიფი (წვრილი) მოტორიკა

• უფროსის დახმარებით იკრავს ფეხსაცმლის ზონარს;
• შეუძლია საბავშვო მაკრატლით ქაღალდისაგან მარტივი ფიგურების გამოჭრა, აპლიკაციის გაკეთება;
• აგებს მცირე ზომის მძივს ძაფზე;
• ხსნის ყველანაირ შესაკრავს (თასმა, ელვა, ღილი);
• ძერწავს რამდენიმე ნაწილისგან შემდგარ ფიგურებს პლასტელინით ან თიხით

თვითმოვლა

• დამოუკიდებლად იბანს ხელს ჭამამდე და ტუალეტით სარგებლობის შემდეგ. დაბანისას არ ისველებს ტანსაცმელს;
• უფროსის დახმარებით ივარცხნის თმას;
• ამინდის მიხედვით არჩევს ტანსაცმელს;
• გამოყენების შემდეგ რეცხავს კბილის ჯაგრისს და აბრუნებს თავის ადგილას

5-დან 6 წლამდე ბავშვებში საყურადღებოა თუ:

• ბავშვის საუბარი ძნელი გასაგებია ან არ საუბრობს სრული წინადადებებით;
• არ შეუძლია რამოდენიმესაფეხურიანი ინსტრუქციის გაგება;
• არ ამჟღავნებს თანაგრძნობის განცდას;
• არ ამჟღავნებს ინტერესს წერის მიმართ;
• არ ურთიერთობს უცხოებთან, ამჟღავნებს აგრესიას;
• არ ამჟღავნებს სხვადასხვა ემოციებს;
• 5 წუთზე მეტხანს უჭირს საქმიანობაში ჩართვა;
• არ ხატავს;
• არ თამაშობს მრავალფეროვან თამაშებს

 

„პრაქტიკული რჩევები მშობლებს“

bavSvi.ge – 2026 წ.                                        ყველა უფლება დაცულია ©

მასალის გამოყენება რედაქციასთან შეთანხმების გარეშე დაუშვებელია!